Բռնցքամարտի ԱԱ․ Գարբոյանն ու Սարգսյանը քառորդ եզրափակչում են

Դուբայում ընթացող բռնցքամարտի աշխարհի առաջնությունում 51 կգ քաշային Ռուդոլֆ Գարբոյանը մրցավարների միաձայն որոշմամբ հաղթելով Պորտուգալիան ներկայացնող մարզիկին նվաճեց քառորդ եզրափակչի ուղեգիր։

Քառորդ եզրափակչում է նաև 57 կգ քաշային Ժիրայր Սարգսյանը, որն առաջին ռաունդում նոկաուտի ենթարկեց Մավրիկիոսի Հանրապետության ներկայացուցչին։

Հիշեցնենք, որ ավելի վաղ քառորդ եզրափակչի ուղեգիր էին նվաճել 67 կգ քաշային Հովհաննես Բաչկովը, 80 կգ քաշային Արտուշ Հովհաննիսյանը, 92 կգ քաշային Նարեկ Մանասյանը, գերծանր քաշային Դավիթ Չալոյանը, 48 կգ քաշային Բարեղամ Հարությունյանը, 60 կգ քաշային Արթուր Բազեյանը և 86 կգ քաշային Ռաֆայել Հովհաննիսյանը։