Լոս Անջելես-2028. ծանրամարտի որակավորման փուլի ընթացակարգը

03 Փետրվար 2026

Լոս Անջելես-2028. ծանրամարտի որակավորման փուլի ընթացակարգը

Հաստատվել է Լոս Անջելեսի ամառային Օլիմպիական խաղերի ծանրամարտի որակավորման փուլի ընթացակարգը: Այս մասին հայտնում է Հայաստանի ծանրամարտի ֆեդերացիայի մամուլի քարտուղարությունը:

2028 թվականի ամառային Օլիմպիական խաղերում ծանրամարտում ընդհանուր առմամբ կլինեն 120 ծանրորդներ (60 տղամարդ, 60 կին): Հաստատվել են 12 քաշային կարգեր, որոնցից 6-ը տղամարդկանց համար, 6-ը` կանանց:

Վերոնշյալ մասնակիցներից 108 մարզիկներ կընտրվեն քվոտաների միջոցով (այդ թվում` 96-ը ՝ որակավորման վարկանիշով և 12-ը ՝ մայրցամաքային ներկայացուցչության միջոցով): 6 մասնակից կարող է ունենալ մրցաշարը հյուրընկալող կողմը և կլինի 6 համընդհանուր քվոտա:

Որակավորման շրջանը կտևի 2026 թվականի հուլիսի 27-ից մինչև 2028 թվականի մայիսի 7-ը և կներառի որակավորման երկու հիմնական փուլ: Մարզիկները վարկանիշային ցուցակում ընդգրկվելու համար պետք է մասնակցեն առնվազն 5 մրցաշարի և ունենան երկամարտի արդյունք:

Առաջին փուլ՝

1. 2026 IWF աշխարհի առաջնություն

2. IWF Qualifier I

3. IWF Qualifier II

4. 2027 մայրցամաքային առաջնություն

5. IWF Qualifier III

6. 2027 IWF աշխարհի առաջնություն

Երկրորդ փուլ ՝

1. IWF Qualifier IV

2. IWF Qualifier V

3. 2028 մայրցամաքային առաջնություն

4. 2028 IWF աշխարհի առաջնություն