Հայտնի են 8 քաշային կարգերում կանանց Հայաստանի չեմպիոնները

Ծանրամարտի Հայաստանի առաջնության մրցումային առաջին օրը մրցահարթակ են դուրս եկել կանանց 48 կգ-ից 63 կգ և 69-ից +86 կգ քաշային կարգերի ներկայացուցիչները:

Կանանց առաջնության 8 քաշային կարգերում Հայաստանի չեմպիոններ են հռչակվել Քրիստինե Բաբայանը (48 կգ), Իզաբելլա Յայլյանը (53 կգ), Ալեքսանդրա Գրիգորյանը (58 կգ), Նատալյա Սարգսյանը (63 կգ), Մերի Միսակյանը (69 կգ), Աննա Ամրոյանը (77 կգ), Էմմա Պողոսյանը (86 կգ) և Տաթև Հակոբյանը (+86 կգ):

Հաղթողներին և մրցանակակիրներին պարգևատրել են ՀՀ վարչապետի աշխատակազմի ղեկավար, Հայաստանի ծանրամարտի ֆեդերացիայի նախագահ Արայիկ Հարությունյանը, ՀՀ կրթության, գիտության, մշակույթի և սպորտի նախարար Ժաննա Անդրեասյանը, ԿԳՄՍ նախարարի տեղակալ Հասմիկ Ավագյանը:

Ծանրամարտի Հայաստանի առաջնությունն անցկացվում է Սպորտի կառավարման կենտրոնում (նախկին «Միկա»): Մուտքն ազատ է: