Խաչանովը բարելավել է դիրքը, Ավանեսյանը՝ նահանջել

ATP-ն ու WTA-ն հրապարակել են թենիսի տղամարդկանց ու կանանց վարկանիշային թարմացված աղյուսակները։

Տղամարդկանց դասակարգման աղյուսակի առաջատարը իսպանացի Կառլոս Ալկարասն է։ 2-րդ տեղում իտալացի Յանիկ Սիներն է, իսկ լավագույն եռյակը եզրափակում է Նովակ Ջոկովիչը։

Ռուսաստանը ներկայացնող հայազգի թենիսիստ Կարեն Խաչանովն առաջադիմել է 1 հորիզոնականով ու 17-րդն է։ Խաչանովը մասնակցում է Դոհայում ընթացող ATP 500 կարգի մրցաշարին ու մենախաղի պայքարը կսկսի վաղը՝ 1/16 եզրափակիչում մրցելով ճապոնացի Շինտարո Մոչիզուկիի հետ։

Կանանց դասակարգման աղյուսակի առաջատարը շարունակում է մնալ Բելառուսի ներկայացուցիչ Արինա Սաբալենկան։ 2-րդ տեղում լեհ Իգա Սվիատեկն է։ 3-րդ հորիզոնականում Ղազախստանը ներկայացնող Ելենա Ռիբակինան։

Հայաստանը ներկայացնող Էլինա Ավանեսյանը նահանջել է 20 հորիզոնականով ու 178-րդն է։ Հայ թենիսիստուհին վաղը կմեկնարկի Օեիյրաշի WTA125 կարգի 2-րդ մրցաշարում՝ մրցելով Պորտուգալիան ներկայացնող Անգելինա Վոլոշչուկի հետ։