Ռեալի ղեկավարությունը բարձր է գնահատում Արբելոայի աշխատանքը, սակայն նրա ապագան շարունակում է մշուշոտ մնալ

Ալվարո Արբելոայի ապագան Մադրիդի «Ռեալում» կախված է թիմի ընթացիկ մրցաշրջանի արդյունքներից։

The Athletic-ի փոխանցմամբ՝ ակումբում բարձր են գնահատում իսպանացի մասնագետի աշխատանքը։ «Ռեալի» հաջող ելույթները Լա Լիգայում կարող են ամրապնդել ակումբի ղեկավարության վստահությունը Արբելոայի նկատմամբ, սակայն հաջողության գլխավոր չափանիշը շարունակում են համարել Չեմպիոնների լիգայում գրանցած արդյունքները։

Հունվարին հաղորդվում էր, որ Արբելոայի պայմանագիրը նախատեսված է մինչև հաջորդ մրցաշրջանի ավարտը։

Փետրվարի 18-ին «Ռեալը» Չեմպիոնների լիգայի 1/8 եզրափակիչի ուղեգրի համար արտագնա խաղում կմրցի «Բենֆիկայի» հետ։ Պատասխան հանդիպումը կկայանա փետրվարի 25-ին՝ «Սանտիագո Բեռնաբեու» մարզադաշտում։