Բաստոնիի ու կնոջ հասցեին սոցիալական ցանցերում հնչում են վիրավորանքներ ու սպառնալիքներ․ Ինտերն աջակցում է պաշտպանին

Իտալիայի առաջնության 25-րդ տուրի «Ինտեր»-«Յուվենտուս» (3։2) հանդիպման 42-րդ րոպեին գրանցված դրվագը շարունակում է մնալ մամուլի ամենաքննարկվող թեմաներից մեկը։

«Ինտերի» պաշտպան Ալեսանդրո Բաստոնին, դիմելով սիմուլյացիայի, 2-րդ դեղին քարտին էր «արժանացրել» «Յուվենտուսի» ֆուտբոլիստ Պիեր Կալուլուին, որը հեռացվել էր խաղադաշտից։ Այս դրվագը բուռն արձագանք էր գտել թուրինյան ակումբի երկրպագուների, ֆուտբոլիստների, մարզչական շտաբի ու ղեկավար կազմի մոտ։

Հանդիպումից հետո սոցիալական ցանցերում Բաստոնիի հասցեին շարունակում են հնչել սպառնալիքներ և վիրավորանքներ։ Ֆուտբոլիստը սահմանափակել է իր հրապարակումները մեկնաբանելու հնարավորությունը, իսկ նրա կինը՝ Կամիլա Բրեշիանին, ապաակտիվացրել է էջը։

Corriere dello Sport-ի փոխանցմամբ՝ «Ինտերը» ղեկավարությունն արդեն կապ է հաստատել Բաստոնիի հետ՝ փորձելով աջակցել նրան։ Ակումում համախմբվել են իտալացի պաշտպանին օգնելու նպատակով։

Միլանյան ակումբում ընդգծում են, որ մինչ այս Բաստոնիի կողմից սիմուլյացիոն դրվագներ չեն արձանագրվել։