Կցանկանայի Ռեալին դուրս թողնել ՉԼ-ից, բայց ուզում եմ, որ Արբելոան հաղթի Լա Լիգան․ Նա արժանի է դրան․ Ժոզե Մոուրինյո
«Բենֆիկայի» գլխավոր մարզիչ Ժոզե Մոուրինյոն անդրադարձել է Մադրիդի «Ռեալում» իր գլխավոր մարզիչ լինելու ժամանակահատվածին։
Պորտուգալական և իսպանական ակումբները կմրցեն Չեմպիոնների լիգայի անցումային փլեյ-օֆֆ փուլում։ Ավելի վաղ, Մոուրինյոյի թիմը մրցաշարի հիմնական փուլի վերջին տուրում 4:2 հաշվով հաղթել էր «Ռեալին»։
«Ես «Ռեալին» տվել եմ այն ամենը, ինչ ունեի։ Ինչ-որ բաներ արել եմ լավ, ինչ-որ բաներ՝ ոչ այնքան, բայց միշտ աշխատել եմ ամբողջ նվիրվածությամբ։ Զգում եմ, որ տվել եմ առավելագույնը և մարդիկ հարգում են ինձ դրա համար՝ թե՛ հաջողությունների, թե՛ սխալների։
Սակայն չեմ ցանկանում ստեղծել պատմություններ, որոնք գոյություն չունեն։ Իրականությունն այն է, որ «Բենֆիկայում» դեռ մեկ տարվա պայմանագիր ունեմ, և պայմանագրի խզման կետը հասանելի է երկու կողմերի համար։
«Ռեալի» հետ այլևս ոչինչ չունեմ։ Կցանկանայի դուրս թողնել «Ռեալին» մրցաշարից և միաժամանակ ուզում եմ, որ Ալվարո Արբելոան հաղթի Լա Լիգան ու երկար տարիներ մնա ակումբում։ Նա հրաշալի մարդ է և արժանի է դրան»,- նշել է Մոուրինյոն։
Հիշեցնենք, որ պորտուգալացի մասնագետը գլխավորել է «արքայական» ակումբը 2010-2013 թվականներին ու «սերուցքայինների» ղեկին անցկացնելով 178 հանդիպում՝ տոնել է 127 հաղթանակ։
