Ավելի վաղ կատալոնական ակումբի նախագահի թեկնածու Չավի Վիլախոանան հայտարարել էր, որ ընտրություններում հաղթելու դեպքում մտադիր է ձեռք բերել Քեյնին և արդեն կապ է հաստատել ֆուտբոլիստի հետ։
«Ես դրա մասին ոչինչ չեմ լսել։ Իմ բոլոր գործերով զբաղվում են հայրս և եղբայրս, սակայն նրանք ինձ ոչինչ չեն ասել։ Ինչպես արդեն նշել եմ, ես շատ երջանիկ եմ այստեղ՝ «Բավարիայում»։ Կենտրոնացած եմ այս մրցաշրջանի և «Բավարիայում» իմ ելույթների վրա։
Դա ընկալում եմ որպես հաճոյախոսություն», – ասել է Քեյնը։
Ընթացիկ մրցաշրջանում անգլիացին, բոլոր մրցաշարերում, մասնակցել է 36 հանդիպման՝ դառնալով 43 գոլի ու 5 գոլային փոխանցման հեղինակ։ Transfermarkt-ը 32-ամյա հարձակվողի տրանսֆերային արժեքը գնահատում է 65 միլիոն եվրո։
