Մոդրիչը կարող է կարիերան շարունակել Խորվաթիայում

«Միլանի» կիսապաշտպան Լուկա Մոդրիչը կարող է կարիերան շարունակել Զագրեբի «Դինամոյում» այս տարվա աշխարհի առաջնության ավարտից հետո։ Այս մասին հաղորդում է իտալական հեղինակավոր La Gazzetta dello Sport պարբերականը։

Հատկանշական է, որ Մոդրիչը իր պրոֆեսիոնալ կարիերան սկսել է հենց Զագրեբում, իսկ նրա կուռքը եղել է ակումբի ներկայիս նախագահ, լեգենդար ֆուտբոլիստ Զվոնիմիր Բոբանը։

Աղբյուրի տեղեկություններով՝ Մոդրիչը դիտարկում է «Դինամո» վերադառնալու տարբերակը, սակայն հնարավոր են նաև այլ սցենարներ։ «Միլանն» ունի հնարավորություն պայմանագիրը մեկ տարով երկարաձգելու, սակայն ակումբը պատրաստ է ակտիվացնել այդ կետը միայն այն դեպքում, եթե ֆուտբոլիստն ինքը ցանկանա մնալ իտալական թիմում։

Միևնույն ժամանակ չի բացառվում, որ փորձառու կիսապաշտպանը որոշի ավարտել կարիերան։

Ընթացիկ մրցաշրջանում Մոդրիչը բոլոր մրցաշարերում անցկացրել է 28 հանդիպում՝ դառնալով երկու գոլի և երեք գոլային փոխանցման հեղինակ։