Դիեգո Սիմեոնեն նախնական պայմանավորվածության է հասել Ինտերի հետ

«Ատլետիկոյի» գլխավոր մարզիչ Դիեգո Սիմեոնեն նախնական համաձայնության է եկել «Ինտերի» հետ և կարող է գլխավորել միլանյան ակումբը 2025/26 մրցաշրջանի ավարտից հետո։ Այս մասին հայտնում է իսպանական El Chiringuito TV-ն։

Աղբյուրի փոխանցմամբ՝ պայմանավորվածությունը ձեռք է բերվել Լա լիգայի 25-րդ տուրի «Ատլետիկոն»-«Էսպանյոլ» (4։2) հանդիպումից հետո։ Նշվում է, որ «Ինտերը» պատրաստ է 55-ամյա արգենտինացի մասնագետին առաջարկել մեկ տարվա պայմանագիր։

Սիմեոնեն մադրիդյան ակումբը գլխավորում է 2011 թվականի դեկտեմբերից և համարվում է եվրոպական թոփ-5 առաջնություններում «ամենաերկարակյաց» գլխավոր մարզիչը։ Ավելի վաղ հաղորդվում էր, որ նրա հարաբերությունները «Աոլետիկոյի» սպորտային տնօրեն Մատեու Ալեմանիի հետ լարվել են ձմեռային տրանսֆերային պատուհանից հետո, և ակումբը սկսել է նոր գլխավոր մարզչի որոնումները։