Ռոնալդուն կմնա պատմության լավագույն ֆուտբոլիստը՝ անկախ ԱԱ-2026-ի արդյունքից. Մարտինես

Պորտուգալիայի հավաքականի գլխավոր մարզիչ Ռոբերտո Մարտինեսը բարձր է գնահատել թիմի ավագ Կրիշտիանու Ռոնալդուի դերն ու նշանակությունը համաշխարհային ֆուտբոլում: Մարզիչը վստահ է, որ «Ալ-Նասրի» հարձակվողի կարգավիճակը չի փոխվի նույնիսկ 2026 թվականի Աշխարհի առաջնության արդյունքներից հետո:

«Կրիշտիանուն միևնույն է կմնա ֆուտբոլի պատմության լավագույն խաղացողը, և կապ չունի՝ կհաղթի՞ նա աշխարհի առաջնությունում, թե՞ ոչ: Մենք պատասխանատու ենք առավելագույնս օգտագործել տիտղոսի համար պայքարելու մեր հնարավորությունը: Դրա համար անհրաժեշտ է մշտական վերլուծություն, ինքնակատարելագործում և այն ճիշտ մտածելակերպը, որն օգնեց մեզ հաղթել Ազգերի լիգայում»:

Ես դեռ երբեք չեմ աշխատել մի խաղացողի հետ, ով ամեն առավոտ իրեն տրամադրում է ավելի լավը դառնալուն։ Եթե Ռոնալդուն կարողանար խաղալ հավերժ, դա զգալիորեն կհեշտացներ երիտասարդ ֆուտբոլիստների ազգային թիմում հարմարվելու գործը։ Նա մտադիր է օգտագործել յուրաքանչյուր օրն ավելի ուժեղ դառնալու համար»,- Մարտինեսի խոսքերն է մեջբերում Goal.com-ը՝ հղում անելով Portugal Football Summit Podcast-ին։