Դե Յոնգն իր ցուցանիշով միացավ Կրոսին

Լա Լիգայի վերջին 10 մրցաշրջանների ընթացքում միայն 2 կիսապաշտպանի է հաջողվել 1 խաղում կատարել ավելի քան 115 փոխանցում և հանդիպումն ավարտել 97% փոխանցումների ճշգրտությամբ։

Ըստ Squawka վիճակագրական կայքի տվյալների՝ 1-ինը Մադրիդի «Ռեալի» նախկին կիսապաշտպան Տոնի Կրոոսն էր, որը 2018 թվականին «Խետաֆեի» դեմ խաղում կատարել էր 119 փոխանցման փորձ, որոնցից 117-ը հասել էին հասցեատիրոջը (փոխանցումների ճշգրտությունը՝ 98%):

Երկրորդը «Բարսելոնայի» կիսապաշտպան Ֆրենկի դե Յոնգն է, որը բարձր արդյունավետություն է դրսևորել 2025/2026 մրցաշրջանի 25-րդ տուրի՝ փետրվարի 22-ին կայացած «Լևանտեի» դեմ խաղում։ Այդ հանդիպմանը, որն ավարտվել է կատալոնական ակումբի հաղթանակով՝ 3:0 հաշվով, դե Յոնգը կատարել է 117 փոխանցում, որոնցից 114-ը եղել են ճշգրիտ (97% ճշգրտություն):

Հոլանդացի ֆուտբոլիստն այս մրցաշրջանում, բոլոր մրցաշարերում, մասնակցել է 31 հանդիպման՝ դառնալով 1 գոլի ու 7 գոլային փոխանցման հեղինակ։