Անգլիայի ֆուտբոլի ասոցիացիան պատժել է Չելսիին և Վեստ Հեմին՝ ֆուտբոլիստների միջև տեղի ունեցած քաշքշուկի համար

Անգլիայի ֆուտբոլի ասոցիացիան պատժել է «Չելսիին» և «Վեսթ Հեմին»՝ Պրեմիեր լիգայի 24-րդ տուրի հանդիպման ժամանակ (3:2) ֆուտբոլիստների միջև տեղի ունեցած քաշքշուկի համար

Հանդիպման 96-րդ րոպեին Ադամա Տրաորեի և Մարկ Կուկուրելյայի միջև տեղի ունեցած կոնֆլիկտից հետո սկսվել է քաշքշուկ մի քանի ֆուտբոլիստների մասնակցությամբ։ Դրվագներից մեկում Ժան-Կլեր Տոդիբոն երկու ձեռքով սեղմել է Ժոաո Պեդրոյի պարանոցը։ Խաղի գլխավոր մրցավար Էնթոնի Թեյլորը Տրաորեին և Ժոաո Պեդրոյին պատժել է դեղին քարտով։ Այնուհետև նա, VAR-ի մրցավարների խորհրդով, դիտել է դրվագի կրկնապատկերը և որոշել Տոդիբոյին ցույց տալ կարմիր քարտ։

«Անկախ կարգավորող հանձնաժողովը տուգանել է «Չելսի» և «Վեսթ Հեմ Յունայթեդ» ֆուտբոլային ակումբներին՝ շաբաթ օրը՝ 2026 թվականի հունվարի 31-ին, Պրեմիեր լիգայի հանդիպման ընթացքում տեղի ունեցած զանգվածային բախման համար։

Հաստատվել է, որ «Չելսիի» ու «Վեսթ Հեմ Յունայթեդի» ֆուտբոլիստները չեն ապահովել պատշաճ վարքագիծ։

Երկու ակումբներն էլ հետագայում ընդունել են իրենց ներկայացված մեղադրանքները։ Լսումներից հետո կարգավորող հանձնաժողովը «Չելսիին» և «Վեսթ Հեմին» տուգանել է՝ համապատասխանաբար 325,000 և 300,000 ֆունտ ստերլինգի չափով»,- ասվում է Անգլիայի ֆուտբոլի ասոցիացիայի հաղորդագրության մեջ։