Կիվուն կերկարաձգի պայմանագիրը Ինտերի հետ՝ ստանալով աշխատավարձի զգալի բարձրացում

«Ինտերը» մտադիր է երկարաձգել պայմանագիրը գլխավոր մարզիչ Քրիստիան Կիվուի հետ: Ինչպես հայտնում է ինսայդեր Նիկոլո Սկիրան, կողմերը մոտ են գործող պայմանագիրը մինչև 2028 թվականը երկարաձգելուն:

Ըստ հաղորդվող տեղեկությունների՝ նոր համաձայնագիրը նախատեսում է 1+1 ձևաչափով: Բացի այդ, զգալիորեն կբարձրանա Կիվուի աշխատավարձը։

Հատկանշական է, որ պայմանագրի երկարաձգման մասին լուրերը սկսեցին շրջանառվել այսօր՝ Չեմպիոնների լիգայի փլեյ-օֆֆ փուլի պատասխան խաղում նորվեգական «Բուդյո-Գլիմտից» կրած պարտությունից ու հեղինակավոր մրցաշարը լքելուց ժամեր անց։ Այնուամենայնիվ, ակումբի ղեկավարությունը, կարծես թե, գոհ է մարզչի աշխատանքից և պատրաստ է նրան նոր հնարավորություն տալ:

Ռումինացի մասնագետը «Ինտերի» գլխավոր մարզչի պաշտոնում նշանակվել է 2025 թվականի հունիսին և թիմի ղեկին անցկացրած 43 խաղում տոնել է 30 հաղթանակ, կրել 11 պարտություն և գրանցել 2 ոչ-ոքի։

Ավելի վաղ, հայտնել էինք, որ միլանյան ակումբի հետ նախնական պայմանավորվածության է հասել Մադրիդի «Ատլետիկոյի» գլխավոր մարզիչ Դիեգո Սիմեոնեն։