Ինձ համար շատ բան է նշանակում այս փուլում խաղալը. Օմար

Կոնֆերենցիաների լիգայի անցումային փլեյ-օֆֆի «ԱԶ Ալկմար»-«Նոա» պատասխան խաղից առաջ երևանյան ակումբի ֆուտբոլիստ Իմրան Ուլադ Օմարն ու թիմի գլխավոր մարզիչ Սանդրո Պերկովիչը պատասխանել են լրագրողների հարցերին.

«Ֆիզիկական վիճակս լավ է: Վնասվածքից հետո արդեն երկու ամիս է, ինչ մարզվում եմ ընդհանուր խմբի հետ: Ինձ լավ եմ զգում և ուժեղ:

Առաջին խաղից հետո թիմում մթնոլորտը շատ լավ է: Ինձ համար շատ բան է նշանակում խաղալ Կոնֆերենցիաների լիգայի այս փուլում. խաղալու եմ տանը` ընտանիքիս և ընկերներիս ներկայությամբ: Այն ինձ լրացուցիչ կմոտիվացնի»,-նշել է Օմարը։

Հիշեցնենք, որ թիմերի միջև Երևանում կայացած 1-ին խաղում «Նոան» հաղթել էր նվազագույն հաշվով` Հովհաննես Համբարձումյանի գոլի շնորհիվ։

«ԱԶ Ալկմար»-«Նոա» հանդիպումը կկայանա վաղը` փետրվարի 26-ին և կմեկնարկի ուղիղ կեսգիշերին։ Sportmedia.am-ը հանդիպումը կլուսաբանի մարզադաշտից։