Ռաուլ Ասենսիոն խուսափել է լուրջ վնասվածքից, բայց կմնա բժիշկների հսկողության տակ

Մադրիդի «Ռեալի» պաշտպան Ռաուլ Ասենսիոն խուսափել է լուրջ վնասվածք ստանալուց՝ Չեմպիոնների լիգայի անցումային փլեյ-օֆֆի «Բենֆիկայի» դեմ պատասխան խաղում (2:1)

Հանդիպման երկրորդ խաղակեսում իսպանացի ֆուտբոլիստը բախվել էր թիմակցի՝ Էդուարդո Կամավինգայի հետ: Բժիշկները մոտ 5 րոպե օգնություն էին ցուցաբերում Ասենսիոյին խաղադաշտում, ինչից հետո նրան պատգարակով դուրս բերեցին խաղադաշտից:

Ինչպես El Chiringuito-ի եթերում հայտնել է լրագրող Էդու Ագիրեն՝ ֆուտբոլիստը գիտակցությունը չի կորցրել: Մարզադաշտից նրան անմիջապես տեղափոխել են հիվանդանոց։

Ավելի ուշ Ասենսիոն սոցցանցերում հանգստացրել է երկրպագուներին. «Շնորհակալ եմ աջակցության համար: Դա պարզապես ցնցում էր։

Ըստ լրագրող Խորխե Պիկոնի տեղեկությունների՝ բժշկական հետազոտությունները դրական արդյունք են տվել և լուրջ խնդիրներ չեն հայտնաբերել, սակայն պաշտպանը դեռևս ունի գլխացավեր և կմնա բժիշկների հսկողության տակ: