Երբ խաղում ես սրտով ու Աստված քո հետ է, ամեն ինչ պարզ է․ Վալենտին Կոստակե

Հայաստանի գավաթի խաղարկության քառորդ եզրափակիչի «Փյունիկ»-«Նոա» (1։2) խաղից հետո հյուրերի նորեկ Վալենտին Կոստակեն խոսել է հանդիպման ու նորամուտի մասին․ 

«Առաջին հերթին շատ բարդ ու ծանր հանդիպում էր։ Գոլի մասին․․․երբ դու խաղում ես սրտով, նվիրվածությամբ և երբ Աստված քո հետ է, ամեն ինչ պարզ է։ Երջանիկ եմ, որ այս թիմից եմ։ Գիտեք, սա միայն սկիզբն է, կյանքում էլ է այսպես։ Հաջորդ հանդիպումը երկու օրից է, և մենք պետք է շարունակենք։

Այո պետք է վերականգնվենք, պետք է ամեն օր ավելի ու ավելի շատ ներդնենք խաղադաշտում։ Ինչպես ասացի, սա մեր կյանքն է։ Շատ լավ թիմ ունենք, որը կարող է անել շատ բաներ։

Մեզ համար շատ դժվար է, բայց մենք պետք է լավ սնվենք, լավ քնենք։ Ունենք լավ պայմաններ մեր մարզումային բազայում վերականգնվելու համար ու պետք է պատրաստ լինենք։ Հաջորդ հանդիպումը շատ կարևոր է, պետք է հաղթենք և նույն մտածելակերպով շարժվենք առաջ»,-նշել է Կոստակեն։

Մանրամասն տեսանյութում․