Ռեալի նկատմամբ 4 միավորի առավելությունը կարևոր է, բայց վճռորոշ չէ․ Ֆլիկ

«Բարսելոնայի» գլխավոր մարզիչ Հանս-Դիտեր Ֆլիկն անդրադարձել է Լա Լիգայի 26 տուրից հետո Մադրիդի «Ռեալի» նկատմամբ ունեցած միավորների տարբերությանը և թիմում տիրող իրավիճակին:

««Ռեալի» նկատմամբ 4 միավորի առավելությունն, իհարկե, կարևոր է, բայց վճռորոշ չէ: Մինչև մայիսի վերջ դեռ երկար ճանապարհ կա: Առջևում շատ ժամանակ և խաղեր կան: Երեքշաբթի հայտնի դարձավ ևս 2 ֆուտբոլիստի վնասվածքի մասին։ Պետք է կարողանալ հաղթահարել դա և առաջ շարժվել: Պետք է լավատես լինել այն ամենի հանդեպ, ինչը հնարավոր չէ փոխել, և ընդունել դա։

Նման բաներ պատահում են: Ես դժգոհ եմ, այդ մասին արդեն հայտնել եմ: Մենք պետք է քննարկենք, թե ինչ կարող ենք բարելավել: Դա միշտ իմ պատասխանատվությունն է, և հենց դա եմ ես ուզում տեսնել: Ո՛չ բժշկական անձնակազմը, ո՛չ ֆիզիոթերապևտները պատասխանատու չեն. պատասխանատվությունը կրում եմ ես: Դա ինձ անհանգստացնում է: Ցանկանում եմ խոսել բժիշկների, ֆիզիոթերապևտների, տեխնիկական շտաբի հետ և հասկանալ՝ ինչ կարող ենք լավացնել: Խոսքը թիմի կառավարման մասին է: Դա տհաճ է, հատկապես հիմա՝ նման վճռորոշ պահին: Բայց մենք լավատեսորեն ենք տրամադրված: Սա հնարավորություն է տալիս մյուս խաղացողներին ցույց տալ, թե որքան լավն են իրենք»:

Լա Լիգայի 27-րդ տուրում «Բարսելոնան» կընդունի Բիլբաոյի «Ատլետիկին»։ Հանդիպումը կկայանա մարտին 8-ին ու կմեկնարկի կեսգիշերին։