Ալաշկերտը հաղթեց առաջատարին (տեսանյութ)

Fastex Պրեմիեր լիգայի 17-րդ տուրում «Ալաշկերտը» Երևանի «Հանրապետական» մարզադաշտում մրցում էր «Արարատ-Արմենիայի» հետ ու հաղթեց նվազագույն հաշվով։ Հանդիպման միակ գոլը հեղինակեց Մոմո Տուրեն՝ 57-րդ րոպեին։

Հանդիպման մեկնարկից առաջ «Ալաշկերտի» գլխավոր մարզիչ Վահե Գևորգյանը ստացավ 2025 թվականի լավագույն մարզչի մրցանակը։

Այս հաղթանակից հետո Վահե Գևորգյանի գլխավորած թիմը վաստակեց 32 միավոր ու բարձրացավ 2-րդ հորիզոնական։ «Արարատ-Արմենիան» 1-ին տեղում է՝ 34 միավորով։

Հիշեցնենք, որ տուրի մեկնարկային խաղում «Գանձասարն» ու «Ուրարտուն» հաղթողին չէին պարզել՝ 2։2։ Այսօր կայացած 1-ին խաղում «Արարատը» հաղթել էր «Վանին»՝ տոնելով ՀՊԼ-ի ընթացիկ մրցաշրջանում 1-ին հաղթանակը։

Վաղը՝ մարտի 8-ին, ԲԿՄԱ-ն կընունի «Նոային» (17։00), իսկ տուրը կեզրափակվի մարտի 9-ին կայանալիք «Փյունիկ»-«Շիրակ» (15։00) խաղով։ Այդ հանդիպումների հետաքրքիր փաստերին ծանոթացեք այստեղ։