Բարսեղյանի գոլն ու ասիստը օգնեցին Սլովանին հաղթանակ տոնել (տեսանյութ)

Սլովակիայի առաջնության չեմպիոնական շրջանի 1-ին տուրում «Սլովանը» հյուրընկալվել էր «Միխալովցեին» ու հաղթեց 3։1 հաշվով

Հանդիպման հաշիվը 4-րդ րոպեին բացեց Հայաստանի ազգային հավաքականի նախկին ֆուտբոլիստ Տիգրան Բարսեղյանը։ Տեսանյութը՝ այստեղ։ Սա Բարսեղյանի 3-րդ անընդմեջ գոլն էր Բրատիսլավան ներկայացնող ակումբի կազմում։

«Սլովանի» առավելությունը կրկնապատկեց Անդրաժ Շպորարը՝ 1-ին կեսի վերջին րոպեին դիպուկ իրացնելով 11-մետրանոցը։ 66-րդ րոպեին Խոսե Լոպեզը կրճատեց հաշվի տարբերությունը, իսկ 75-րդ րոպեին, Տիգրան Բարսեղյանի փոխանցումից, Շպորարը դուբլ ձևակերպեց՝ վերջակետ դնելով հանդիպմանը։

«Սլովանից» ու «Միխալովցեից» զատ Սլովակիայում չեմպիոնության համար պայքարում են նաև «Դունայսկա Ստրեդան», «Ժիլինան», «Սպարտակ Տրնավան» ու Դավիթ Հակոբյանի «Պոդբրեժովան»։