Նոան հաղթեց ԲԿՄԱ-ին (տեսանյութ)

Fastex Պրեմիեր լիգայի 17-րդ տուրում «Նոան» հյուրընկալվել էր ԲԿՄԱ-ին ու հաղթեց 2։0 հաշվով։ Հանդիպման հաշիվը բացեց Սերգեյ Մուրադյանը՝ 1-ին կեսի վերջին րոպեին։ Հիմնական ժամանակին ավելացրած 6-րդ րոպեին էլ Արթուր Մովսեսյանը խախտեց խաղի կանոնները Գուստավո Սանգարեի նկատմամբ՝ բերելով 11-մետրանոց իր թիմի դարպասին, որը դիպուկ իրացրեց Հելդեր Ֆերեյրան՝ ձևակերպելով հանդիպման վերջնական հաշիվը։

12-րդ րոպեին խախտման համար ուղիղ կարմիր քարտով հեռացվեց ԲԿՄԱ-ի կիսապաշտպան Համլետ Սարգսյանը, սակայն «Նոան» թվային առավելությամբ խաղաց ընդամենը 14 րոպե։ 26-րդ րոպեին էլ խաղադաշտից հեռացվեց Դավիդ Սուալեհեն։

Այս հաղթանակից հետո Սանդրո Պերկովիչի սաները վաստակեցին 26 միավորով 5-րդ տեղում են։ ԲԿՄԱ-ն 15 միավորով 7-րդն է։



Հիշեցնենք, որ տուրի մյուս խաղերում «Գանձասարն» ու «Ուրարտուն» հաղթողին չէին պարզել՝ 2։2։ «Արարատը» հաղթել էր «Վանին» (2։1)՝ տոնելով ՀՊԼ-ի ընթացիկ մրցաշրջանում 1-ին հաղթանակը։ Կենտրոնական խաղում «Ալաշկերտը» պարտության էր մատնել «Արարատ-Արմենիային» (1։0)։

Վաղը՝ մարտի 9-ին տուրը կեզրափակվի «Փյունիկ»-«Շիրակ» (15։00) խաղով։