Ադեբայո. Ուիլթը, ես, հետո՝ Քոբին, խենթություն է

«Մայամիի» կենտրոնական Բեմ Ադեբայոն կիսվել է իր տպավորություններով «Վաշինգտոնի» դեմ խաղից (150:129), որում նա վաստակել է 83 միավոր: Սա NBA-ի պատմության մեջ երկրորդ արդյունքն է՝ Ուիլթ Չեմբերլենի 100 միավորից հետո: Կոբի Բրայանտը մեկ խաղում վաստակել էր 81 միավոր:

«Ուիլթը, ես, իսկ հետո՝ Կոբին: Խենթություն է հնչում:

Ինձ համար կարևոր էր պահպանել հանգստությունը, մնալ կենտրոնացված և հասկանալ, որ կարող եմ ինչ-որ առանձնահատուկ բանի հասնել: Չէի մտածում, որ դա կլինի հենց 83 միավոր:

Բացարձակ անիրական պահ է: Հնարավորությունն անելու դա տանը՝ մորս առաջ, իմ մարդկանց առաջ, հարազատ երկրպագուների առջև... սա պատմական մի պահ է, որը հավերժ կմնա հիշողության մեջ:

Մինչ օրս չեմ կարողանում հավատալ: Այսուհետ իմ անունը կհիշատակվի Կոբի Բրայանտի կողքին, ումով ես հիանում էի մանկուց»,- ESPN-ի հետ զրույցում խոստովանել է Ադեբայոն: