ՊՍԺ-ն ցանկանում է ձեռք բերել Էնցո Ֆերնանդեսի տրանսֆերը․ Զարգացումները կախված են Չեմպիոնների լիգայից
ՊՍԺ-ն հետաքրքրված է «Չելսիի» արգենտինացի կիսապաշտպան Էնցո Ֆերնանդեսի ծառայություններով։ Ինչպես հայտնում է The Touchline-ը փարիզյան ակումբը հույս ունի մոտ ապագայում հաջողությամբ ավարտին հասցնել 25-ամյա խաղացողի տրանսֆերը։
Այս գործարքում առանցքային նշանակություն կունենա Չեմպիոնների լիգայի 1/8 եզրափակիչում ՊՍԺ-ի և Չելսիի միջև կայանալիք դիմակայությունը։ Փարիզցիները կարծում են, որ եթե իրենց հաջողվի դուրս թողնել լոնդոնյան ակումբին մրցաշարից, դա կմեծացնի Ֆերնանդեսին ձեռք բերելու հնարավորությունները։
Ներկայումս Էնցո Ֆերնանդեսը վաստակում է տարեկան մոտ 10 միլիոն եվրո, սակայն ՊՍԺ-ն պատրաստ է բավարարել նրա ֆինանսական պահանջները՝ «Չելսիի» հետ համաձայնության գալու դեպքում։ Այս մրցաշրջանում կիսապաշտպանը լոնդոնյան ակումբի կազմում անցկացրել է 42 հանդիպում՝ դառնալով 11 գոլի և 5 գոլային փոխանցման հեղինակ։ Նրա գործող պայմանագիրը «Չելսիի» հետ ուժի մեջ է մինչև 2032 թվականը, իսկ տրանսֆերային արժեքը, ըստ Transfermarkt-ի, գնահատվում է 90 միլիոն եվրո։
