Վինիսիուսն ինձ առաջարկեց իրացնել 11-մետրանոցը, բայց նա Ռեալի լեգենդն է․ Վալվերդե
Մադրիդի «Ռեալի» կիսապաշտպան Ֆեդերիկո Վալվերդեն հաստատել է, որ թիմի վինգեր Վինիսիուս Ժունիորն առաջարկել է իրեն իրացնել 11-մետրանոց հարվածը Չեմպիոնների լիգայի 1/8 եզրափակչի «Մանչեսթեր Սիթիի» դեմ առաջին խաղում (3:0):
Հանդիպման 56-րդ րոպեին «Սիթիի» դարպասապահ Ջանլուիջի Դոնարուման սեփական տուգանային հրապարակում խախտել էր կանոնները Վինիսիուսի նկատմամբ: Գլխավոր մրցավար Մաուրիցիո Մարիանին նշանակել էր 11-մետրանոց հարված: Բրազիլացին մոտեցել էր գնդակին, սակայն վերջինիս հարվածը իտալացի դարպասապահը հետ է մղել:
Ավելի վաղ հայտնի էր դարձել, որ Բրազիլիայի հավաքականի ֆուտբոլիստը հարվածը կատարելու հնարավորությունն առաջարկել էր Ֆեդերիկո Վալվերդեին, որն առաջին խաղակեսում արդեն դարձել էր հեթ-տրիկի հեղինակ, սակայն ուրուգվայցին հրաժարվել էր:
«Վինին հարցրեց ինձ՝ արդյոք ցանկանո՞ւմ եմ իրացնել 11-մետրանոցը: Վինին «Ռեալի» լեգենդ է և հիանալի ընկեր: Ես և մյուս խաղացողները նրան ասացինք, որ ինքը հարվածի:
Վրիպումներ լինում են, դա ֆուտբոլի մի մասն է», — TNT Sports-ի եթերում պատմել է Վալվերդեն:
