Եվրոպական մակարդակի հանդիպում էր. Նոայի գլխավոր մարզիչը՝ Արարատ-Արմենիայի հետ Սուպերգավաթի խաղի մասին

«Նոայի» գլխավոր մարզիչ Ալեքսանդր Պերկովիչը Հայաստանի Սուպերգավաթի խաղում «Արարատ-Արմենիայի» նկատմամբ տարած հաղթանակից հետո կիսվել է տպավորություններով:

«Իմ կարծիքով՝ այսօր երկու թիմերն էլ՝ և՛ «Արարատ-Արմենիան», և՛ «Նոան», ինչպես նաև մրցավարները, շատ բարձր մակարդակի վրա էին։ Իմ կարծիքով՝ սա եվրոպական մակարդակի հանդիպում էր։ Նույնը վերաբերում է նաև ֆիզիկական պատրաստվածությանը։  Շատ լուրջ հանդիպում էր՝ հաշվի առնելով բարձր ինտենսիվության, կարճ տարածությունում վազքերի, անցած տարածության, արագացումների ցուցանիշները: Իմ կարծիքով՝ սա իսկապես շատ բարձր մակարդակի ֆուտբոլ էր երկու թիմերի կողմից»,- ասել է մարզիչը։