Ցավալի միավորներ ենք կորցնում․ Վահե Գևորգյանը՝ Փյունիկի դեմ խաղի մասին (տեսանյութ)

Fastex Պրեմիեր լիգայի 18-րդ տուրի «Փյունիկ»-«Ալաշկերտ» (1։0) խաղից հետո «Ալաշկերտի» գլխավոր մարզիչ Վահե Գևորգյանը խոսել է խաղի մասին ու պատասխանել լրագրողների հարցերին․

«Շատ կարևոր հանդիպում էր։ Կարևոր միավորներ կորցրեցինք։ Լավ էինք վերլուծել մրցակցին։ Գիտեինք, որ լավ են օգտագործելու Յանսանեի որակները։ Մի դրվագում կորցրեցինք կոնցենտրացիան ու մրցակիցն օգտագործեց իր պահը։ Դարպասապահը լավ խաղաց, բայց փոխօգնության հասնող չկար։

Կարծում եմ, մենք ավելի շատ մոտեցումներ ունեինք, ստեղծեցինք մեր պահը, բայց չկարողացանք գրավել մրցակցի դարպասը։ Շնորհավորում եմ «Փյունիկին», կարծում եմ, որ օրինաչափ կլիներ ոչ-ոքին, բայց մրցակիցն օգտագործեց իր պահը, իսկ մենք՝ ոչ։ 

Ցավալի միավորներ ենք կորցնում, բայց 5 օրից ունենք նույն մրցակցի դեմ խաղ։ Պետք է արագ վերլուծենք այս խաղն ու պատրաստվենք հաջորդ խաղին»,-նշել է Գևորգյանը։

Մանրամասն տեսանյութում․