ՉԼ․ Արսենալը հաղթեց Բայերին ու քառորդ եզրափակիչում է (տեսանյութ)

Չեմպիոնների լիգայի 1/8 եզրափակիչի պատասխան խաղում «Արսենալն» ընդունել էր Լևերկուզենի «Բայերին» ու հաղթեց 2։0 հաշվով։ Թիմերի միջև դիմակայության 1-ին խաղն ավարտվել էր 1։1 հաշվով։

Հանդիպման հաշիվը բացեց Էբերեչի Էզեն՝ 36-րդ րոպեին։ 63-րդ րոպեին Դեկլան Ռայսը կրկնապատկեց լոնդոնյան ակումբի առավելությունը։

Այսպիսով, Միկել Արտետայի գլխավորած թիմը դիմակայությունում հաղթում է 3։1 հաշվով՝ նվաճելով քառորդ եզրափակիչի ուղեգիր, որտեղ կմրցի «Սպորտինգի» հետ։ Պորտուգալական ակումբը, անհնարին թվացող քամբեքի շնորհիվ, հաղթահարել էր «Բուդյո-Գլիմտի» արգելքը։



Քառորդ եզրափակիչի ուղեգրեր են նվաճել նաև «Սպորտինգը», Մադրիդի «Ռեալը» ու ՊՍԺ-ն։