Կցանկանայի, որ Մանչեսթեր Սիթին ունենար Ռեալի նշաձողը․ Գվարդիոլա

«Մանչեսթեր Սիթիի» գլխավոր մարզիչ Պեպ Գվարդիոլան կիսվել է իր մտքերով Չեմպիոնների լիգայի 1/8 եզրափակիչից դուրս մնալուց հետո: Հիշեցնենք, որ «քաղաքաբնակները» երկու խաղերի արդյունքում զիջել են Մադրիդի «Ռեալին» (0:3, 1:2):

«Մենք դեռ շատ աշխատանք ունենք անելու, ունենք երիտասարդ տաղանդավոր խաղացողներ: Մենք դեռ լիարժեք ձևավորված թիմ չենք, թեև նախկինում այդպիսին էինք բոլոր առումներով: Առջևում դեռ խաղեր կան, կպատրաստենք ճիշտ լուծումներ և կվերադառնանք Չեմպիոնների լիգա:

Ես այս գործընթացի մի մասն եմ. եթե ասում եմ, որ կվերադառնանք, նշանակում է՝ ես մասնակից եմ դրան: Ինչո՞ւ են բոլորը փորձում ինձ պաշտոնանկ անել: Ես գործող պայմանագիր ունեմ»:

Գվարդիոլան նաև խոսել է ակումբի հավակնությունների մասին՝ որպես օրինակ բերելով «Արքայական» ակումբը.

«Ինձ դուր կգար, որ ակումբն ունենար «Ռեալի» նշաձողը. եթե չես հաղթում Չեմպիոնների լիգան, դա ձախողում է: Հնարավոր է՝ մենք մի օր հասնենք դրան…»,- ասել է Գվարդիոլան: