ՉԼ․ Բավարիան շանս չտվեց Ատալանտային՝ դիմակայությունում խփելով 10 գոլ (տեսանյութ)

Չեմպիոնների լիգայի 1/8 եզրափակիչի պատասխան խաղում Մյունխենի «Բավարիան» ընդունել էր «Ատալնտային» ու հաղթեց 4։1 հաշվով։ Դիմակայության 1-ին խաղում գերմանական ակումբը ջախջախել էր մրցակցին 6։1 հաշվով։

Հանդիպման հաշիվը բացեց Հարի Քեյնը՝ 25-րդ րոպեին դիպուկ իրացնելով 11-մետրանոցը։ 54-րդ րոպեին Քեյնը դուբլ ձևակերպեց, իսկ 2 րոպե անց Լենարտ Կարլը խփեց «Բավարիայի» 3-րդ գոլը։ 70-րդ րոպեին Լուիս Դիասը խփեց իր թիմի 4-րդ գոլը։ «Ատալանտայի» միակ գոլը հեղինակեց Լազար Սամարջիչը՝ 85-րդ րոպեին։

Այսպիսով, «Բավարիան» նվաճեց քառորդ եզրափակիչի ուղեգիր, որտեղ կմրից Մադրիդի «Ռեալի» հետ։ Իսպանական ակումբը պայքարից դուրս էր թողել «Մանչեսթեր Սիթիին»։

Զուգահեռ ընթացող խաղերում Մադրիդի «Ատլետիկոն» զիջեց «Տոտենհեմին», բայց նվաճեց քառորդ եզրափակիչի ուղեգիր, իսկ «Լիվերպուլը» ջախջախեց «Գալաթասարային»։