Անարդար կլիներ Կեպային չվստահելը․ Արտետա
«Արսենալի» գլխավոր մարզիչ Միկել Արտետան պարզաբանել է Անգլիայի լիգայի գավաթի եզրափակիչում դարպասը Կեպա Արիսաբալագային վստահելու իր որոշումը: «Զինագործները» 0:2 հաշվով պարտվել էին «Մանչեսթեր Սիթիին», իսկ Կեպան աչքի էր ընկել մի քանի սխալներով:
Հիշեցնենք, որ այս մրցաշրջանում Արիսաբալագան հանդես է գալիս միայն գավաթային խաղերում, մինչդեռ թիմի հիմնական դարպասապահը մեկ այլ իսպանացի է՝ Դավիդ Ռայան:
«Ես որոշումը կայացրել եմ խաղից առաջ՝ հիմնվելով այն բանի վրա, թե ինչպես է նա հանդես եկել մրցաշրջանի ընթացքում և ինչ ներդրում է ունեցել այս մրցաշարում: Նա օգնել է մեզ հասնել այնտեղ, որտեղ մենք հիմա կանք: Անարդար կլիներ այլ խաղացողի ընտրելը», — Արտետայի խոսքերն է մեջբերում BBC-ն:
Հանդիպման 60-րդ րոպեին «քաղաքայինների» պաշտպան Նիկո Օ’Ռայլին օգտվեց Կեպայի վրիպումից և բացեց հաշիվը: «Արսենալի» դարպասապահն անհաջող խաղաց նաև Ռայան Շերկիի փոխանցումից հետո՝ սխալ դուրս գալով տեղից, ինչի պատճառով Օ’Ռայլին գլխի հարվածով մեծացրեց «Մանչեսթեր Սիթիի» առավելություն:
