Ի՞նչ նպատակներ ունի Դե Ձերբին Տոտենհեմում. նորանշանակ մարզչի առաջին հարցազրույցը
«Տոտենհեմի» նորանշանակ գլխավոր մարզիչ Ռոբերտո Դե Ձերբին խոսել է ակումբում իր նպատակների մասին:
«Ուրախ եմ միանալ այս ֆանտաստիկ ակումբին, որն աշխարհի խոշորագույն և ամենահեղինակավոր թիմերից մեկն է:
Ակումբի ղեկավարության հետ բոլոր քննարկումների ժամանակ հստակ երևում էին ապագայի նկատմամբ նրանց հավակնությունները՝ ստեղծել մի թիմ, որն ունակ է հասնել մեծ հաջողությունների և անել դա այնպիսի ֆուտբոլով, որը կոգեշնչի ու կոգևորի մեր երկրպագուներին: Ես այստեղ եմ, որովհետև հավատում եմ այդ հավակնություններին և ստորագրել եմ երկարաժամկետ պայմանագիր, որպեսզի ներդնեմ իմ բոլոր ուժերը դրանք իրականացնելու համար:
Կարճաժամկետ հեռանկարում մեր առաջնահերթությունը Պրեմիեր լիգայի մրցաշարային աղյուսակում բարձրանալն է և դա կլինի մեր գլխավոր խնդիրը մինչև մրցաշրջանի վերջին խաղի եզրափակիչ սուլիչը: Անհամբերությամբ սպասում եմ մարզումների մեկնարկին և ֆուտբոլիստների հետ աշխատանքին՝ այդ նպատակին հասնելու համար», — ասել է Դե Ձերբին:
