Մադրիդի «Ռեալի» գլխավոր մարզիչ Ալվարո Արբելոան «Մալյորկայի» դեմ Լա Լիգայի առաջիկա հանդիպմանն ընդառաջ անդրադարձել է թիմի բրազիլացի վինգեր Վինիսիուս Ջունիորի մարզավիճակին՝ միջազգային խաղերով պայմանավորված դադարից հետո:

«Նա հոգնած է, ինչը սպասելի էր: Իմ ընկեր Կարլետտոն (նկատի ունի Կառլո Անչելոտտին,-խմբ․) նրան հանգիստ չէր տալիս: Բայց դա նորմալ է. ո՞վ կցանկանա հանգիստ տալ նման խաղացողին:

Ես նրան հիանալի հասկանում եմ. նա երկու շատ լարված հանդիպում է անցկացրել: «Ռեալն» ու Բրազիլիայի հավաքականն այնպիսի թիմեր են, որտեղ պահանջները չափազանց բարձր են: Վինիսիուսն անհավանական ֆուտբոլիստ է, և ակնհայտ է, որ 2026 թվականի սկզբից նա շատ խաղեր է անցկացրել: Կարծում եմ՝ նա ոչ մի ազատ օր չի ունեցել», — հայտարարել է Արբելոան:

Հատկանշական է, որ Վինիսիուսը աշխարհի ակումբային առաջնության մեկնարկից ի վեր «Ռեալի» անցկացրած 57 հանդիպումներից մասնակցել է 55-ին: Արբելոայի գլխավորությամբ նա խաղադաշտում է եղել հնարավոր ժամանակի 98%-ը: Ըստ As-ի տեղեկությունների՝ «Մալյորկայի» դեմ խաղում բրազիլացուն, ամենայն հավանականությամբ, վերջապես հանգստի հնարավորություն կտրվի: