Ուզբեկ շախմատիստին կես միավոր է հարկավոր Հավակնորդների մրցաշարը հաղթելու համար

Շախմատի աշխարհի չեմպիոնի կոչման մրցախաղին մասնակցելու համար անցկացվող Հավակնորդների մրցաշարի ավարտից երկու տուր առաջ հաղթողի բացահայտ ֆավորիտ կա:

12 տուրից հետո Ջավոխիր Սինդարովը վաստակել է 9 միավոր և 2 միավորով առաջ է Անիշ Գիրիից: 13-րդ տուրում նրանք մրցելու են տուրի կենտրոնական պարտիայում: Եթե 20-ամյա ուզբեկ գրոսմայստերը ոչ-ոքի գրանցի, ապա կդառնա Հավակնորդների մրցաշարի հաղթող, և աշխարհի չեմպիոնի կոչման համար կմրցի Գուկեշ Դոմարաջուի հետ:

Մրցաշարը հաջող մեկնարկած Ֆաբիանո Կարուանան նախորդ 7 տուրերում հաղթանակ չի տարել և վաստակել է ընդամենը 2.5 միավոր, ինչի արդյունքում դուրս է մնացել հաղթողի կոչման համար պայքարից:

13-րդ տուրը կկայանա ապրիլի 14-ին: