Խելահեղ խաղակես Մյունխենում, իսկ Լոնդոնում՝ 0-ներ

Չեմպիոնների լիգայի քառորդ եզրափակիչի պատասխան խաղերում ավարտվեցին առաջին կեսերը։

Մադրիդի «Ռեալը» հյուրընկալվել է Մյունխենի «Բավարիային» ու հաղթում է 3։2 հաշվով։ Թիմերի միջև դիմակայության առաջին խաղն ավարտվել էր գերմանական ակումբի հաղթանակով՝ 2։1 հաշվով։

Արդեն 35-րդ վայրկյանին Արդա Գյուլերն, օգտվելով Մանուել Նոյերի սխալից, բացեց հանդիպման հաշիվը՝ դառնալով Չեմպիոնների լիգայում «արքայական» ակումբի ամենաարագ գոլի հեղինակը։ 5 րոպե անց անկյունայինի խաղարկումից հետո հաշվի հավասարությունը վերականգնեց Ալեքսանդար Պավլովիչը՝ խփելով իր առաջին գոլը եվրոպական ակումբային ամենահեղինակավոր մրցաշարում։

29-րդ րոպեին Արդա Գյուլերը տուգանայինից իրացրած գեղեցիկ հարվածով կրկին առաջ մղեց մադրիդյան ակումբին, սակայն «Բավարիայի» պատասխանը կրկին չուշացավ։ 38-րդ րոպեին աչքի ընկավ Հարի Քեյնը։

Առաջին կեսի հիմնական ժամանակի ավարտից 3 րոպե առաջ Կիլիան Մբապեն կրկին առաջ մղեց «Ռեալին»՝ վերականգնելով դիմակայության հավասարությունը։

Զուգահեռ ընթացող «Արսենալ»-«Սպորտինգ» խաղում հաշիվը բացված չէ։ Այդ դիմակայության առաջին խաղում հաղթել է լոնդոնյան ակումբը՝ նվազագույն հաշվով։