Սքոուլզը նշել է 2 արտասահմանյան թիմեր, որոնք հեշտությամբ կհաղթեին ԱՊԼ-ն

«Մանչեսթեր Յունայթեդի» նախկին կիսապաշտպան Փոլ Սքոուլզը կարծում է, որ «Բավարիան» ու ՊՍԺ-ն կդառնային ԱՊԼ-ի հաղթող:

— Ի՞նչ եք կարծում, ՊՍԺ-ն ու «Բավարիան» կարո՞ղ էին գալ ԱՊԼ ու հաղթել մեր լիգան, — հարցրել է անգլիացին Stick to Football շոուի մյուս մասնակիցներին:

— Նրանք հաստատ պայքարի մեջ կլինեին, — նշել է Ռոյ Քինը:

— Ես կարծում եմ՝ նրանք հեշտությամբ կհաղթեին, — ասել է Սքոուլզը:

— Հաշվի առնելով ԱՊԼ-ում մրցակցային մակարդակը՝ երկու ակումբներն էլ խնդիրներ կունենային ինտենսիվ խաղերի քանակի պատճառով, բայց ես միևնույն է կարծում եմ, որ նրանք կհաղթեին, — հայտարարել է Իան Ռայթը: