Մանվել Խնձրցյանը զիջեց կիսաեզրափակիչում ու կպայքարի բրոնզե մեդալի համար

Ալբանիայի մայրաքաղաք Տիրանայում ընթացող ազատ ոճի ըմբշամարտի Եվրոպայի առաջնության 57 կգ քաշային կարգում Հայաստանի ներկայացուցիչ Մանվել Խնձրցյանը կիսաեզրափակիչում 0։5 հաշվով զիջեց ռուս Մուսա Մեխտիխանովին ու կպայքարի բրոնզե մեդալի համար։

Ավելի վաղ, Խնձրցյանը պայքարից դուրս էր թողել ռումինացի Ռազվան Կովաչին (12։1), գերմանացի Հորստ Լեհրին (12։6)։

Հիշեցնենք, որ այսօր պայքարի մեջ մտած 65 կգ քաշային Վազգեն Թևանյանը ևս կպայքարի եզրափակիչ դուրս գալու համար։ 70 կգ քաշային Դավիթ Մարգարյանն ու 79 կգ քաշային Հրայր Ալիխանյանը զիջել են մեկնարկում ու մրցակիցների եզրափակիչ դուրս գալու պարագայում կստանան սփոփիչ գոտեմարտեր անցկացնելու հնարավորություն։

Վաղը պայքարի մեջ կմտնեն 61 կգ քաշային Արսեն Հարությունյանը, 74 կգ քաշային Նարեկ Հարությունյանը, 92 կգ քաշային Մուշեղ Մկրտչյանն ու 125 կգ քաշային Խաչատուր Խաչատրյանը։