ԵԱ․ Արսեն Հարությունյանը տուշեով պարտվեց Զավուր Ուգուևին ու կպայքարի բրոնզե մեդալի համար

Ալբանիայի մայրաքաղաք Տիրանայում ընթացող ազատ ոճի ըմբշամարտի Եվրոպայի առաջնության 61 կգ քաշային կարգում Հայաստանը ներկայացնող Արսեն Հարությունյանը կիսաեզրափակիչում մրցում էր Տոկիոյի Օլիմպիական խաղերի չեմպիոն Զավուր Ուգուևի հետ ու պարտվեց տուշեով։

Արսենն առաջին մրցափուլում հաղթում էր 3։0 հաշվով, սակայն 4 միավորանոց հնարք բաց թողեց։

Հարությունյանը պայքարը սկսել էր որակավորման փուլից, որտեղ 11։0 հաշվով ջախջախել էր Հյուսիսային Մակեդոնիան ներկայացնող Վլադիմիր Եգորովին։ Քառորդ եզրափակիչում Եվրոպայի քառակի չեմպիոնը 11։1 հաշվով պարտության էր մատնել Ուկրաինան ներկայացնող Կամիլ Կերիմովին։

Այսօր պայքարի մեջ մտած 125 կգ քաշային Խաչատուր Խաչատրյանը և 74 կգ քաշային Նարեկ Հարությունյանը մեկնարկում հաղթելուց հետո զիջել էին քառորդ եզրափակիչնեչում։ 92 կգ քաշային Մուշեղ Մկրտչյանը զիջել էր մեկնարկում։

Երեկ մեկնարկած 57 կգ քաշային Մանվել Խնձրցյանը, 65 կգ քաշային Վազգեն Թևանյանը և 79 կգ քաշային Հրայր Ալիխանյանը կպայքարեն բրոնզե մեդալի համար։