Ծանրամարտի Հայաստանի տղամարդկանց ընտրանին լավագույնն է Եվրոպայի առաջնությունում

Ծանրամարտի Հայաստանի տղամարդկանց հավաքականը երկրորդ տարին անընդմեջ Եվրոպայի առաջնության թիմային հաշվարկի հաղթողն է: Այս մասին հայտնում է Հայաստանի ծանրամարտի ֆեդերացիայի մամուլի քարտուղարությունը:

Կանանց ընտրանին թիմային հաշվարկում երրորդն է:

Հիշեցնենք, որ Հայաստանի հավաքականները Եվրոպայի առաջնությանը մասնակցում են 16 ծանրորդով՝ 8 տղամարդ, 8 կին:

Հայաստանի ներկայացուցիչներից չեմպիոն են հռչակվել Էմմա Պողոսյանը, Գարիկ Կարապետյանը և Վարազդատ Լալայանը։ Երկամարտի արծաթե մեդալ են նվաճել Գառնիկ Չոլաքյանը, Ալեքսանդրա Գրիգորյանը, Գոռ Սահակյանը, Արա Աղանյանը։ Բրոնզե մեդալի է արժանացել Մարտին Պողոսյանը։ 

Լիանա Գյուրջանը, Տանզելա Գրիգորյանը, Սիմոն Մարտիրոսյանը զբաղեցրել են 6-րդ, Ռաֆիկ Հարությունյանը՝ 7-րդ, Իզաբելլա Յայլյանը՝ 9-րդ, Տաթև Հակոբյանը՝ 12-րդ, Ալինա Սուքիասյանը՝ 14-րդ տեղը։ Աննա Ամրոյանը մնացել է առանց երկամարտի արդյունքի, սակայն փոքր ոսկե մեդալ է նվաճել հրում վարժությունում։