Կայունությամբ Բավարիան գերազանցում է մեզ, բայց մենք լավագույնն ենք. Լուիս Էնրիկե

ՊՍԺ-ի գլխավոր մարզիչ Լուիս Էնրիկեն խոսել է Չեմպիոնների լիգայի կիսաեզրափակիչում «Բավարիայի» հետ սպասվող հանդիպման մասին։ Թիմերի միջև առաջին հանդիպումը տեղի կունենա Փարիզում՝ ապրիլի 28-ին և կմեկնարկի 23:00-ին։

«Այս թիմերը Եվրոպայի երկու լավագույն թիմերն են, թեև «Արսենալը» նույնպես հիանալի մրցաշրջան է անցկացնում։ Կայունության տեսանկյունից «Բավարիան», հնարավոր է, մի փոքր առաջ է մեզնից, քանի որ պարտվել է ընդամենը երկու խաղ։ Բայց այն տեսանկյունից, թե ինչ ենք մենք ցուցադրում, մեզնից լավ թիմ չկա։ Այն բանից հետո, երբ մենք չհայտնվեցինք լավագույն ութնյակում, ես արդեն ասել եմ, որ մեզնից լավ թիմ չկա», - ասել է Էնրիկեն։