Սարդարապատի հաղթանակների շարքն ընդհատվեց, բայց...

Առաջին խմբի 26-րդ տուրի կենտրոնական երկու խաղերից մեկը կայացավ Վանաձորում, որտեղ «Հայքն» ընդունել էր առաջատար «Սարդարապատին»: Գրանցվեց ոչ-ոքի՝ 0:0 հաշվով:

Չնայած այն հանգամանքին, որ ընդհատվեց արմավիրցիների հինգխաղյա հաղթարշավը, միևնույն է՝ Ալեքսանդր Տոռեսի գլխավորած թիմն ավելի առաջ պոկվեց երկրորդ տեղից: «Սարդարապատը» վաստակել է 66 միավոր և արդեն 5 միավորով է առաջ «Սյունիքից»: Կապանցիները երեկ 1:2 հաշվով պարտվել էին ԲԿՄԱ-2-ին:

Բանակայինները 57 միավորով բարձրացել են երրորդ տեղ, իսկ «Հայքը» 56 միավորով նահանջել է չորրորդ հորիզոնական: ԲԿՄԱ-2-ը մյուս թիմերի համեմատ երկու խաղ պակաս է անցկացրել: Այսօր կայացել է նաև «Միկա» – «Ուրարտու-2» խաղը, որում գրանցվել է 2:3 հաշիվը: