Արսենալը կրկնեց պատմական ռեկորդը ՉԼ-ում․ 13 խաղ՝ առանց պարտության

«Արսենալը» շարունակում է անպարտելի խաղերի շարքը Չեմպիոնների լիգայում: «Զինագործները» մրցաշարի կիսաեզրափակիչ առաջին խաղում ոչ-ոքի (1:1) խաղացին Մադրիդի «Ատլետիկոյի» հետ:

Միկել Արտետայի թիմը Չեմպիոնների լիգայի ընթացիկ խաղարկությունում գրանցել է 10 հաղթանակ և 3 ոչ-ոքի: Լոնդոնցիները մրցաշարում պարտություն չեն կրել 2025 թվականի մայիսի 7-ից ի վեր, երբ կիսաեզրափակիչում պարտվեցին ՊՍԺ-ին (1:2):

Լոնդոնյան ակումբը կրկնել է Չեմպիոնների լիգայում իր ամենաերկար անպարտելի շարքի ռեկորդը: Նախորդ անգամ, երբ թիմը 13 անընդմեջ խաղում պարտություն չէր կրել, կարողացել էր հասնել մինչև մրցաշարի եզրափակիչ: Դա 2005/06 մրցաշրջանում էր, երբ Արսեն Վերնգերի գլխավորությամբ ակումբը հասավ մինչև եզրափակիչ ու զիջեց «Բարսելոնային» (1:2): Այդ մրցաշրջանում թիմը չէր պարտվել 12 խաղում, ևս մեկ խաղ «զինագործները» հաղթել էին 2004/05 խաղարկության 1/8 եզրափակիչի պատասխան խաղում («Բավարիային» 1։0), սակայն դուրս էին մնացել մրցաշարից առաջին խաղում կրած պարտության պատճառով (1:3):

«Ատլետիկոյի» հետ պատասխան հանդիպումը կկայանա մայիսի 5-ին Լոնդոնում: