Բարսեղյանի գոլը հաղթանակ ու չեմպիոնություն պարգևեց Սլովանին (տեսանյութ)

Սլովակիայի առաջնության չեմպիոնական շրջանի 8-րդ տուրում «Սլովանն» ընդունել էր Դունայսկա Ստրեդային ու հաղթեց նվազագույն հաշվով։

Հանդիպման միակ գոլը հեղինակեց Հայաստանի ազգային հավաքականի նախկին ֆուտբոլիստ Տիգրան Բարսեղյանը՝ 79-րդ րոպեին։

Այս հաղթանակի շնորհիվ «Սլովանը» վաստակեց 65 միավոր ու անհասանելի դարձավ մրցակիցների համար:

Բրատիսլավան ներկայացնող ակումբը հռչակվեց Սլովակիայի չեմպիոն 25-րդ անգամ, որից 8-ը՝ անընդմեջ։

Տիգրան Բարսեղյանի համար սա կարիերայի 7-րդ տիտղոսն էր։ Հայ ֆուտբոլիստը 5 անգամ դարձել է Սլովակիայի (բոլորը «Սլովանի» կազմում), 1 անգամ Հյուսիսային Մակեդոնիայի չեմպիոն «Վարդարի» կազմում՝ 2016/17 մրցաշրջանում, 1 անգամ էլ տիրել է Ղազախստանի գավաթին՝ «Կայսարի» կազմում 2018/19 մրցաշրջանում։