Պորտուն՝ Պորտուգալիայի չեմպիոն․ Մոուրինյուի Բենֆիկան առաջնությունում չունենալով պարտություն՝ մնաց առանց տիտղոսի

Պորտուգալիայի առաջնության 32-րդ տուրում «Պորտուն» 1:0 հաշվով հաղթեց «Ալվերկային» և երաշխավորեց չեմպիոնությունը: Հանդիպման միակ գոլը հեղինակեց Յան Բեդնարեկը՝ 40-րդ րոպեին։

Առաջնության ավարտից 2 տուր առաջ «Պորտուն» 9 միավորով գերազանցում է երկրորդ տեղում ընթացող «Բենֆիկային»: «Սպորտինգը», որին մնացել է անցկացնել 3 հանդիպում, հետ է մնում 12 միավորով:

Այսպիսով, «Պորտուն» 31-րդ անգամ հաղթեց երկրի առաջնությունում: Ավելի շատ չեմպիոն է դարձել միայն «Բենֆիկան»՝ 38 անգամ:

Հետաքրքրական է, որ Ժոզե Մոուրինյուի գլխավորած «Բենֆիկան», որն անպարտելի է առաջնությունում, (32 խաղ, 22 հաղթանակ, 10 ոչ-ոքի) այս տարի չի նվաճի որևէ տիտղոսը։ Ակումբը ավելի վաղ լքել էր պայքարը Չեմպիոնների լիգայում, Պորտուգալիայի գավաթի խաղարկությունում ու Լիգայի գավաթում։