Ման․ Յունայթեդ-Լիվերպուլ խաղից առաջ մարզադաշտում գտնվող Ալեքս Ֆերգյուսոնի ինքնազգացողությունը վատացել է

«Մանչեսթեր Յունայթեդի» նախկին գլխավոր մարզիչ Ալեքս Ֆերգյուսոնը տեղափոխվել է հիվանդանոց Անգլիայի Պրեմիեր լիգայի 35-րդ տուրի՝ «Լիվերպուլի» դեմ խաղից առաջ։ Այս մասին հայտնում է The Sun-ը։

Պարբերականի տեղեկություններով՝ Ֆերգյուսոնը գտնվել է «Օլդ Տրաֆորդում», երբ նրա ինքնազգացողությունը վատացել է։ Շտապօգնության մեքենան շոտլանդացուն տեղափոխել է հիվանդանոց։

Խաղից հետո «Մանչեսթեր Յունայթեդի» գլխավոր մարզիչ Մայքլ Քերիկին հարցրել են Ֆերգյուսոնի առողջական վիճակի մասին, սակայն նա չի կարողացել թարմ տեղեկություններ տրամադրել։

«Ես թարմ նորություններ չունեմ։ Լսել էի այդ մասին խաղից առաջ, այնպես որ տեղյակ էի։ Կարող եմ միայն ասել, որ դա ազդել է ինձ վրա։ Մենք նրան լավագույնն ենք մաղթում և հուսով ենք, որ այս արդյունքը նրան լավ լիցքեր կփոխանցի»,- ասել է Քերիկը մամուլի ասուլիսի ժամանակ։

Այդ խաղում «Մանչեսթեր Յունայթեդը» հաղթել էր 3։2 հաշվով ու 64 միավորով 3-րդ տեղում է։