Ռեալում իրավիճակը շարունակում է լարված մնալ․Մբապեն վիրավորել է մարզչական շտաբի անդամին

Մադրիդի «Ռեալի» հարձակվող Կիլիան Մբապեն կոնֆլիկտ է ունեցել թիմի մարզչական շտաբի ներկայացուցիչներից մեկի հետ։ The Athletic-ի փոխանցմամբ՝ միջադեպը տեղի է ունեցել Լա Լիգայի «Բետիսի» դեմ խաղից (1:1) առաջ կայացած մարզման ժամանակ։

Ըստ աղբյուրի՝ ֆրանսիացի ֆուտբոլիստը վիճաբանել է մարզչի հետ, ով երկկողմանի խաղի ժամանակ կատարել է մրցավարի պարտականությունները։ Մբապեն «զայրացած և վիրավորական արտահայտություններով» է արձագանքել այն դրվագին, երբ մարզիչը նրա մոտ խաղից դուրս վիճակ է արձանագրել:

Նշվում է, որ Մադրիդի «Ռեալը», ամենայն հավանականությամբ, որևէ պատժամիջոց չի կիրառել հարձակվողի նկատմամբ տեղի ունեցած միջադեպից հետո։