Երիտասարդների ԱԱ․ Մերի Միսակյանի արդյունքը

Եգիպտոսի Իսմայիլիա քաղաքում ընթացող ծանրամարտի երիտասարդների առաջնության 69 կգ քաշային կանանց պայքարում Հայաստանը ներկայացնող Մերի Միսակյանը երկամարտի 209 կգ արդյունքով զբաղեցրեց 6-րդ տեղը։

Միսակյանը պոկումում հաջողեց 3 մոտեցումներից 2-ը ու 94 կգ արդյունքով 6-րդն էր։ Հրում վարժությունում հայ ծանրուհին գրանցեց 115 կգ արդյունք։

Հայաստանի ներկայացուցիչներից պայքարն ավելի վաղ ավարտել էին 65 կգ քաշային Արտուշ Գրիգորյանը, որը 0 էր ստացել հրումում, 71 կգ քաշային Նարեկ Գրիգորյանը ու Հովհաննես Հովհաննիսյանը։ Գրիգորյանը փոքր ոսկե մեդալ էր նվաճել պոկում վարժությունում, սակայն հրումում ստացած վնասվածքի պատճառով մնացել էր առանց երկամարտի արդյունքի, իսկ Հովհաննիսյանը հրում վարժությունում նվաճել էր արծաթե մեդալ՝ երկամարտում զբաղեցնելով 4-րդ տեղը։

20։00-ին պայքարի մեջ կմտնեն 79 կգ քաշային տղաները, որտեղ Հայաստանը կներկայացնի Նարեկ Մկրտչյանը։