Եվրոպա լիգա. Էմերիի թիմը կրկին եզրափակիչում է, մրցակիցը կլինի գերմանական թիմ

Եվրոպա լիգայի կիսաեզրափակիչ պատասխան խաղում «Ասթոն Վիլան» 4:0 հաշվով ջախջախեց «Նոթինգհեմ Ֆորեսթին» և դուրս եկավ եզրափակիչ: Առաջին խաղում «Ֆորեսթը» հաղթել էր 1:0 հաշվով:

«Վիլլա Պարկում» Ունաի Էմերիի թիմի կազմում գոլեր խփեցին Օլի Ուոտկինսը, Էմիլիանո Բունդիան, ինչպես նաև դուբլ գրանցեց Ջոն Մագինը:

Մյուս կիսաեզրափակիչում «Ֆրայբուրգը» 3:1 հաշվով առավելության հասավ «Բրագայի» նկատմամբ, իսկ ընդհանուր դիմակայությունում՝ 3:2:

Գերմանիայում հյուրերը 6-րդ րոպեից 10 ֆուտբոլիստով էին Մարիո Դորջելեսի կարմիր քարտի պատճառով: Առաջին կեսում տանտերերից գոլեր խփեցին Լուկաս Կուբլերը և Յոան Մանզամբին: Երկրորդ կեսում գոլերով փոխանակվեցին նույն Կուբլերը և Պաու Վիկտորը:

Եզրափակիչը կկայանա մայիսի 20-ին:

Հիշեցնենք, որ Էմերիի գլխավորած թիմերը 4 անգամ դարձել են Եվրոպա լիգայի հաղթող: