Ծանրամարտի երիտասարդական ԱԱ. Գագիկ Մկրտչյանը 0 ստացավ հրումում

Եգիպտոսում ավարտին մոտեցող ծանրամարտի աշխարհի երիտասարդական առաջնությունում պայքարն ավարտել է նաև Հայաստանի վերջին ներկայացուցիչ գերծանր քաշային Գագիկ Մկրտչյանը:

Պոկում վարժությունում Մկրտչյանը հաջող էր կատարել երկու մոտեցում: Նա նախ բարձրացրել է 150, ապա 155 կգ կշռող ծանրաձողերը: Երրորդ մոտեցմամբ նա ձախողել է 160 կգ-ն: 155 կգ արդյունքով նա 9-րդ տեղն էր  զբաղեցրել: Սակայն հրում վարժությունում նա ձախողել է երեք մոտեցումները. նա երկու մոտեցումներով չի կարողացել ֆիքսել 190 կգ կշռող ծանրաձողը, երրորդ մոտեցմամբ պատվիրված 191 կգ կշռող ծանրաձողը հայ ծանրորդը բարձրացրել է, սակայն մրցավարները չեն արձանագրել այն:

Այսպիսով, Գագիկ Մկրտչյանը 0 է ստացել հրում վարժությունում և չի կարողացել արդյունք ապահովել երկամարտում: