Ռոլան Գարոս․ Խաչանովը 1/16 եզրափակիչում է

«Մեծ Սաղավարտի» տարվա 2-րդ մրցաշարում՝ Ռոլան Գարոսում, Ռուսաստանը ներկայացնող հայ թենիսիստ, ATP դասակարգման աղյուսակի 15-րդ համար Կարեն Խաչանովը 1/32 եզրափակիչում 3։1 հաշվով առավելության հասավ Արգենտինան ներկայացնող, 81-րդ ռակետ Մարկո Տրունգելիտիի նկատմամբ։

3 ժամ 45 րոպե տևած մրցախաղի առաջին սեթում Խաչանովը հաղթեց թայ-բրեյքում, 2-րդ սեթում զիջեց 5։7, 3-րդ սեթում ջախջախեց 6։1, իսկ վերջին սեթի թայ-բրեյքում առավելության հասնելով դուրս եկավ 1/16 եզրափակիչ, որտեղ մրցակիցը 106-րդ ռակետ, Նիրդերլանդների ներկայացուցիչ Յեսպեր Դե Յոնգն է։

Հետաքրքրական է, որ Խաչանով-Տրունգելիտի մրցախաղում Կարենը թույլ չտվեց ոչ մի կրկնակի սխալ ու կատարեց 10 էյս։ Մրցակիցը կատարեց 5 էյս ու սխալվեց 8 անգամ։

Հիշեցնենք, որ 1/64 եզրափակիչում Ռուսաստանը ներկայացնող թենիսիստը առավելության էր հասել Արթուր Գեայի նկատմամբ։