Վարազդատ Լալայանը հավակնում է Եվրոպայի տարվա ծանրորդ մրցանակին

Եվրոպայի ու աշխարհի չեմպիոն, գերծանր քաշային ծանրորդ Վարազդատ Լալայանը հավակնում է Եվրոպայի տարվա ծանրորդ մրցանակին։

Մրցանակի հավակնորդների թվում ընդգրկված է 10 ծանրորդ։ 

AIPS Europe-ը կորոշի տարվա լավագույն ծանրորդին, իսկ հաղթողի անունը կհայտարարվի  Մոլդովայի մայրաքաղաք Քիշնևում կայանալիք ծանրամարտի Եվրոպայի առաջնության բացման հանդիսավոր արարողության ժամանակ:

Հիշեցնենք, որ ապրիլի 13-21-ը Մոլդովայի մայրաքաղաք Քիշնևում կկայանա ծանրամարտի Եվրոպայի առաջնությունը, որին Հայաստանը կներկայանա 20 ծանրորդով։